Media məlumatına görə, ABŞ və İran arasında sülh sazişinin olmaması və Donald Trampın bəyanatlarından sonra dünyada neftin qiyməti yenidən artıb.

Media məlumatına görə, bir barel Brent markalı neftin qiyməti 67 sent artaraq 108.84 dollara çatıb.

Bununla yanaşı, ABŞ-ın West Texas Intermediate (WTI) neftinin qiyməti 65 sent bahalaşaraq 102.59 dollara yüksəlib.

Qeyd olunur ki, ABŞ Prezidenti Donald Tramp “Azadlıq layihəsi” çərçivəsində Hörmüz boğazından gəmilərin təhlükəsiz çıxarılmasına başlanacağını bildirib. Eyni zamanda, ABŞ Mərkəzi Komandanlığının (CENTCOM) məlumatına görə, “Azadlıq layihəsi” çərçivəsində Hörmüz boğazında gəmilərin müşayiəti üçün ABŞ-ın döyüş təyyarələri, 100-dən çox təyyarə və 15 000 hərbçi yerləşdiriləcək.

Tehranda isə bildirirlər ki, ABŞ-ın Hörmüz boğazındakı vəziyyətə hər hansı müdaxilə cəhdi İran tərəfindən atəşkəs sazişinin pozulması kimi qiymətləndiriləcək.