Media məlumatına görə, Avstriyanın Qrats şəhərindəki məktəblərdən birində baş vermiş atışma nəticəsində azı beş nəfər həyatını itirib

Avstriyanın Qrats şəhərindəki məktəbdə baş vermiş silahlı insident nəticəsində azı beş nəfərin öldüyü bildirilir. Yerli medianın məlumatına görə, həlak olanlar arasında ehtimal olunan hücumçulardan biri də var – o, güman ki, intihar edib.

Hadisə yerində polis əməliyyat aparır. Hüquq-mühafizə orqanları hələlik ölənlərlə bağlı rəsmi açıqlama verməyiblər.

Polis vətəndaşlara məktəbin ətraf ərazisindən uzaq durmağa çağırış edir.