Mədənçilər Ciaturanın yerli özünüidarəetmənin binası qarşısında piket keçirməkdə təmkinli davranıblar. Onlar hakimiyyətin onların tələblərini yerinə yetirmək niyyətində olduğuna dair qeyri-rəsmi məlumata sahib olduqlarını deyirlər, lakin aksiya davam edir.

Mədənçilər yenə də onlara məxsus əmək haqqını, “Georgian Manganese” şirkətinin fəaliyyəti ilə bağlı istintaqın aparılmasını, bundan sonra onun Ciaturadan çıxmasını və dövlətin faydalı qazıntıların çıxarılması prosesini öz üzərinə götürməsini tələb edirlər.

Xatırladaq ki, “Georgian Manganese” şirkəti martın 1-dən faydalı qazıntıların çıxarılması üzrə yeraltı işlərin dayandırılması barədə bəyanat verib və səbəb kimi işlərin qeyri-rentabelliğini göstərib. Bu qərardan əvvəl isə ötən ilin noyabrın 1-dən işlər altı ay müddətinə dayandırıldı, o zaman işçilərə maaşın 60%-nin ödənilməsi vəd olunmuşdu. Mədənçilərin bildirdiyinə görə, “Georgian Manganese” şirkəti onlara maaşın 60%-ni yalnız üç ay ərzində ödəyib.