Mədəniyyət Nazirliyinin guya Robert Sturuanın “Pələng dərisi geyinmiş pəhləvan” tamaşası üçün bahalı işıqlandırma avadanlığı alması barədə yayılmış məlumat həqiqətə uyğun deyil – bu barədə Gürcüstanın Mədəniyyət Nazirliyinin bəyanatında qeyd olunub.

Bəyanatda qeyd edildiyi kimi, Rustaveli Teatrını nüfuzdan salmaq məqsədi daşıyan oxşar dezinformasiyanın yayılması tamamilə anlaşılmaz və qəbuledilməzdir.

“Mədəniyyət Nazirliyinin guya Robert Sturuanın “Pələng dərisi geyinmiş pəhləvan” tamaşası üçün bahalı işıqlandırma avadanlığı alması barədə yayılmış məlumata münasibət bildirmək istərdik.

Xüsusilə qeyd edirik ki, yayılan məlumat həqiqətə uyğun deyil və ictimaiyyəti çaşdırmaq üçün qəsdən edilmiş cəhddir. İşıqlandırma avadanlığı Rustaveli Milli Teatrının daimi ehtiyacları üçün alınıb, konkret tamaşa üçün deyil.

Rustaveli Milli Teatrı böyük ənənələrə malik mədəniyyət ocağıdır və gələcəkdə də bütün tələblərə cavab verməsi üçün müasir avadanlıqlara ehtiyac duyur.

Müvafiq olaraq, Rustaveli Teatrını nüfuzdan salmaq məqsədi daşıyan oxşar dezinformasiyanın yayılması tamamilə anlaşılmaz və qəbuledilməzdir” – bəyanatda qeyd olunub.