İran Prezidenti Masud Pezeşkiyan bütün iranlıları birləşməyə, qətiyyət nümayiş etdirməyə və İranın məruz qaldığı cinayətkar təcavüzə qarşı müqavimət göstərməyə çağırıb.

İran Parlamentinin iclasında çıxışı zamanı Masud Pezeşkiyan bildirib ki, İran diplomatiyaya şans verib, danışıqlara və dialoqa yol açıb.

“Düşmən İranı və onun xalqını qətllər və terror vasitəsilə məhv edə bilməz. Hər hədəfli hücumdan sonra bayraq qaldıracaq və yolu davam etdirəcək yüzlərlə başqa qəhrəman ortaya çıxacaq” – Pezeşkiyan qeyd edib.

İran Prezidenti bildirib ki, ölkəsi nüvə silahına sahib olmağa can atmır, lakin nüvə enerjisindən istifadə etmək və İran xalqına fayda gətirəcək tədqiqatlar aparmaq hüququna malikdir.