Qurumlararası Koordinasiya Şurasının qərarına əsasən, martın 28-dən etibarən koronavirusun yayılmasına qarşı məhdudiyyətlərin bir hissəsi aradan qaldırılacaq. Bu barədə qurumlararası Koordinasiya Şurasının Operativ Qərargahının rəhbəri Qiorqi Ğibradze brifinqdə bildirib.

Eyni zamanda, Ğibradzenin izah etdiyi kimi, qapalı məkanda və ictimai nəqliyyatda maska taxmaq istisna olmaqla, bütün məhdudiyyətlər və qaydalar aradan qaldırılacaq.

“İctimai iaşə obyektlərinə, eləcə də idman, incəsənət və digər tədbirlərə, o cümlədən tədbirlərə kəmiyyət məhdudiyyətləri götürüləcək. Distansional işləyən  işçilər işə qayıdacaqlar. “PCR” testindən keçmədən ölkəyə qayıdan Gürcüstan vətəndaşları üçün özünütəcrid öhdəliyi ləğv edilir. Peyvənd təşviqi proqramı davam etdiriləcək. Qapalı yerlərdə və ictimai nəqliyyatda maska taxmaq istisna olmaqla, praktiki olaraq bütün məhdudiyyətlər və qaydalar götürüləcək”, – Qiorqi Ğibradze bildirib.

Koordinasiya Şurasının qoyduğu məhdudiyyətlər aylardır ölkədə var.