Gürcüstandakı vəziyyət Avropa İttifaqına üzvlük yolunun asan olmadığını və uğursuzluqların baş verə biləcəyinə və baş verdiyinə dair açıq xatırlatmadır – bu haqda Avropa İttifaqının Genişlənmə Məsələləri üzrə komissarı Marta Kos Avropa Parlamentinin Xarici Əlaqələr Komitəsində çıxışında bildirib.

O, “hakimiyyətin Avropaya inteqrasiyadan uzaqlaşmağa davam etdiyinə görə dərin təəssüf hissi keçirdiyini” bildirib.

“Gürcü xalqı tərəfindən Avropaya inteqrasiya seçimi konstitusiya öhdəliyi ilə yazılmışdır və onlar hər gecə küçəyə çıxırlar, çünki açıq-aşkar bunu qoruyub saxlamaq istəyirlər. Hakimiyyətin dinc nümayişçilərə, müxalifət nümayəndələrinə, vətəndaş cəmiyyəti təşkilatlarına, jurnalistlərə qarşı hərəkətləri qətiyyən qəbuledilməzdir. Avropa Komissiyası birbaşa Gürcüstan hakimiyyətinin xeyrinə nəzərdə tutulan 100 milyon avrodan çox maliyyələşməni artıq dayandırıb və gələcək istiqamətləndirməni nəzərdən keçirir. Həmçinin, Gürcüstan tərəfindən verilmiş diplomatik pasportların sahiblərinə viza tələblərinin tətbiq edilməsi üçün Avropa İttifaqı ilə Gürcüstan arasında viza liberallaşdırılması sazişinin qismən dayandırılması təşəbbüsü ilə çıxış etmişik. Avropa İttifaqına üzv ölkələr yanvarın sonu üçün sözügedən təşəbbüslə bağlı səsvermə keçirəcəklər” – Marta Kos bildirib.

Həmçinin, Marta Kos qeyd edib ki, onlar “Gürcüstanda vətəndaş cəmiyyəti təşkilatlarını və müstəqil medianı dəstəkləməyə davam edirlər”.

“Eyni zamanda, Gürcüstanda vətəndaş cəmiyyəti təşkilatlarını və müstəqil medianı dəstəkləməyə davam edirik. Onlar üçün artıq 8,5 milyon avro ayrılmışdır. Həmçinin, kommunikasiya fəaliyyəti üçün əlavə 7 milyon avronu ayırmağa hazırıq və “Gürcü Arzusu” rəhbərliyinin yaydığı dezinformasiyaya reaksiyanı gücləndirməliyik” – Marta Kos bildirib.