Şübhəsiz ki, dronlar qəsdən buraxılmışdı. Sual yaranır: dronlar xüsusi olaraq Polşaya daxil olmaq üçün nəzərdə tutulmuşdumu? – bunu ABŞ-ın dövlət katibi Marko Rubio İsrailə yola düşməzdən əvvəl jurnalistlərlə söhbətində bildirib.

ABŞ-ın Xarici İşlər Nazirliyinin rəhbərinin sözlərinə görə, bu, hadisələrin qəbuledilməz, təəssüf doğuran və təhlükəli inkişafıdır.

“Əgər dronlar Polşaya yönəlmişdisə və dəlillər bizi bu qənaətə gətirsə, aydındır ki, bu, çox eskalasiyaedici addım olacaq. Digər ehtimallar da mövcuddur, lakin düşünürəm ki, konkret qərar qəbul etməzdən əvvəl bütün faktları bilmək və müttəfiqlərimizlə məsləhətləşmək istəyirik”, – deyə Marko Rubio qeyd edib.

Polşa 12 sentyabrda ABŞ prezidenti Donald Trampın işğalın səhv ola biləcəyi barədə fikrini rədd edib. Rusiya isə bildirib ki, dronların hava məkanına daxil olduğu vaxt onun qüvvələri Ukraynaya hücum edirdi və Polşadakı hədəflərə hücum etməyi nəzərdə tutmurdular.