Marko Rubio – Sivil dünya xalqları olaraq özümüzü qorumağın, yaxınlaşan qaranlığa qarşı birlikdə dayanmağımızın və bizim olanın uğrunda mübarizə aparmağımızın vaxtıdır

Tarixdə ilk dəfə olaraq Amerika Birləşmiş Ştatları ifrat solçu terrorizmi məğlub etmək üçün infrastruktur, tərəfdaşlıq və strategiya yaradır. Keçmişdə bunu birlikdə etdiyimiz kimi, bu təhlükəni aşkar edib təsvir etməyə və onu məğlub etmək üçün antiterror arxitekturamızı yenidən qurmağa qadirik və buna borcluyuq – bu barədə ABŞ-nin dövlət katibi Marko Rubio “Siyasi terrorizmin yenidən aktivləşməsi haqqında” nazirlər toplantısında çıxışı zamanı bildirib.

Rubionun sözlərinə əsasən, kəşfiyyat məlumatlarının və informasiyanın paylaşılması, əlaqələndirilmiş hüquq-mühafizə strategiyası, hədəflənmiş maliyyə zərbələri və fəaliyyətlərin iflic edilməsi vasitəsilə solçu terrorizmi birlikdə məğlub edə bilməlidilər.

“Biz bu şəbəkələri kərpic-kərpic dağıdacağıq. Sivil dünya xalqları olaraq özümüzü qorumağın, bu yaxınlaşan qaranlığa qarşı birlikdə dayanmağımızın və bizim olanın uğrunda mübarizə aparmağımızın vaxtıdır. Böyük işləri məhv etmək asandır, onları yaratmaq isə çox daha çətindir, sivilizasiya düşmənlərinin əlindən yalnız birincisi gəlir, onlar yalnız möhtəşəm nailiyyətləri dağıda bilirlər. Onlar yalnız məhv etməyi bilirlər, lakin birlikdə böyük şeylər yaratmışıq. Biz bunu dəfələrlə etmişik. Biz nə etməli olduğumuzu bilirik və indi bunu yerinə yetirməliyik” – Rubio bildirib.

Məlumat üçün bildirək ki, Gürcüstanın vitse-baş naziri, xarici işlər naziri Maka Bocorişvili Vaşinqtonda davam edən “Siyasi terrorizmin yenidən aktivləşməsi haqqında” nazirlər toplantısında iştirak edir və iştirakçılar qarşısında çıxış edəcək.