Marko Rubio – Salvadorun Prezidenti ABŞ-a təhlükəli amerikalı cinayətkarları öz həbsxanalarına yerləşdirməyi və istənilən millətdən olan deportasiya edilənləri qəbul etməyi təklif edib

 
Salvadorun Prezidenti ABŞ-a təhlükəli amerikalı cinayətkarları öz həbsxanalarına yerləşdirməyi və istənilən millətdən olan deportasiya edilənləri qəbul etməyi təklif edib – bu haqda ABŞ dövlət katibi Marko Rubio bildirib.

ABŞ dövlət katibi Salvadorun Prezidenti Naib Bukelenin təklifini “möhtəşəm dostluq aktı” adlandırıb və qeyd edib ki, bu razılaşma istənilən millətdən olan istənilən cinayətkarın, o cümlədən ABŞ Prezidenti Donald Trampın xarici terror təşkilatları adlandırdığı “MS-13” və ya “Tren de Aragua” beynəlxalq cinayət dəstələrinin üzvlərinin deportasiyasını nəzərdə tutur.

“Heç bir ölkə belə dostluq təklifi ilə çıxış etməyib” – Marko Rubio qeyd edib.

Öz növbəsində, Salvadorun Prezidenti qeyd edib ki, o, yalnız mühakimə olunmuş cinayətkarları ödəniş müqabilində qəbul etməyə hazırdır, lakin bu ödəniş ABŞ üçün nisbətən aşağı olacaq.