Marko Rubio – Elə məsələlər var ki, onların üzərində işləmək lazımdır, lakin biz sülhə iki həftə əvvəlkindən daha yaxınıq

ABŞ dövlət katibi Marko Rubio bildirir ki, sülhə iki həftə əvvəlkindən daha yaxındırlar.

Rubio bu haqda “Fox News”a müsahibəsində deyib.

Rubionun qeyd etdiyi kimi, ABŞ Prezidenti Donald Tramp müharibənin mümkün qədər tez bitməsini istəyir.

“Düşünürəm ki, elə məsələlər var ki, onların üzərində işləmək lazımdır, lakin biz sülhə iki həftə əvvəlkindən və ya altı ay əvvəlkindən daha yaxınıq” – Rubio bildirib.

O bildirib ki, ötən həftə Səudiyyə Ərəbistanında Ukrayna Trampın təklif etdiyi planı dəstəkləyib.

“Onlar atışı dayandırmağa və baş verən hər şeyi dondurmağa razılaşdılar və biz nəhayət buna necə son qoyacağımız barədə danışmağa başlaya bilərik. İndi ruslardan oxşar bir şey almalıyıq” – Rubio qeyd edib.