Marko Rubio bildirir ki, real danışıqlar başlayanda Ukrayna və Avropa bu prosesə qoşulmalıdır

 
ABŞ dövlət katibi Marko Rubio bildirir ki, real danışıqlar başlayanda Ukrayna və Avropa bu prosesə qoşulmalıdır. O, bu haqda “CBS News”a müsahibəsində danışıb.

Marko Rubio deyir ki, sülh prosesi birdəfəlik görüş deyil, çünki bu münaqişəni bitirmək asan olmayacaq, bir görüşlə bu problem həll olunmayacaq.

“Prezident Tramp seçkiyə qatılarkən açıq şəkildə dedi ki, bu müharibə dayandırılmalıdır və əgər onu bitirmək üçün imkan görürsə, onun axtardığından istifadə edəcəyik. Nəhayət, real danışıqlar olsa, bu, bir mərhələyə çatacaq. Biz hələ buna nail olmamışıq, amma bu baş verərsə, Ukrayna qoşulmalıdır, çünki bu, təcavüz etdikləri ölkədir və avropalılar da qoşulmalıdırlar, çünki onlar Putinə, Rusiyaya qarşı sanksiyalar tətbiq ediblər və onlar bu səylərə töhfə veriblər. Biz sadəcə olaraq hələ bu mərhələyə çatmamışıq, amma ümid edirəm ki, nail olacağıq, çünki bu müharibənin bitməsini görmək istəyirik” – Marko Rubio bildirib.

Dövlət katibi bildirib ki, Donald Tramp və Vladimer Putin arasında ötən həftə baş tutmuş telefon danışığı bu prosesdə ilk addımdır və qarşıda uzun yol və görüləsi çox iş var.