ABŞ dövlət katibi Marko Rubio bildirib ki, Amerika Birləşmiş Ştatları “Melissa” qasırğasından zərər görən ölkələrlə sıx ünsiyyətdədir.

“Amerika Birləşmiş Ştatları Yamayka, Dominikan Respublikası, Baham adaları və Haitinin hökumətləri ilə sıx ünsiyyətdədir, çünki onlar “Melissa” qasırğasının dağıdıcı nəticələri ilə mübarizə aparırlar. Zərər çəkmiş rayonlara kritik əhəmiyyət daşıyan ehtiyatlarla yanaşı, xilasetmə və reaksiya qrupları göndəririk” – Rubio sosial şəbəkədə yazır.

Məlumat üçün bildirək ki, bundan əvvəl mediada məlumat yayıldı ki, Haitidə “Melissa” qasırğası nəticəsində yaranmış daşqında ən azı 25 nəfər həyatını itirib. Medianın yazdığı kimi, fırtına Haitiyə ciddi ziyan vuracaq, çünki fəlakətin vurduğu qonşu ölkələrlə müqayisədə Haiti ən az inkişaf etmiş ölkədir. Həmçinin, bir neçə yaşayış məntəqəsinin ətraf aləmdən təcrid oluna biləcəyini ehtimal edirlər.