ABŞ dövlət katibi Marko Rubio ABŞ-nin Venesuela üçün üç mərhələli – ölkənin sabitləşməsi ilə başlayacaq, sonra isə ölkənin bərpası və keçid dövrünün nəzarəti ilə davam edəcək planının olduğuna dair bəyanat verib.

O, Vaşinqtonun bu proseslərin xaosa çevrilməsini istəmədiyini bildirib.

“İlk addım ölkəni sabitləşdirməkdir. Biz onun xaosa çevrilməsini istəmirik. Bu sabitləşmənin bir hissəsi və ən güclü mümkün təsir gücünə sahib olduğumuzu başa düşməyimizin və inanmağımızın səbəbi bizim karantindir. Bu gün gördüyünüz kimi, daha iki gəmi yaxalanıb. İndi biz bu prosesdəyik və bütün nefti götürmək üçün faktiki olaraq razılaşma bağlamaq niyyətindəyik. Onların hazırda Venesuelada ilişib qalmış nefti var. Onlar karantin və sanksiyalarımız səbəbindən onu çıxara bilmirlər. Biz 30-dan 50 milyon barelə qədər nefti götürməyi planlaşdırırıq. Biz onu bazarda Venesuelanın əldə etdiyi endirimlərlə deyil, bazar qiymətinə satacağıq. Bu pulun bölüşdürülməsinə elə nəzarət edəcəyik ki, bu, Venesuela xalqına fayda versin, korrupsiyaya və rejimə deyil. Beləliklə, sabitləşmə cəbhəsinə keçmək üçün böyük təsir gücümüz var.

Bərpa adlandırdığımız ikinci mərhələ Amerika, Qərb və digər şirkətlərin Venesuela bazarına ədalətli yolla çıxışının olmasının təmin edilməsi deməkdir. Eyni zamanda, Venesuelada milli səviyyədə barışıq prosesi başlayacaq ki, müxalifət qüvvələri əfv yolu ilə həbsxanadan azad edilsin və ya ölkəyə qaytarılsın və vətəndaş cəmiyyətinin bərpası başlasın. Sonra isə, əlbətdə, üçüncü mərhələ keçid dövrü olacaq” – Marko Rubio bildirib.