Amerika Birləşmiş Ştatlarının dövlət katibi Marko Rubionun bəyanatına əsasən, Vaşinqton Fransa Prezidenti Emmanuel Makronun Fələstin dövlətini tanımaq haqda planını rədd edir.

O, bu barədə sosial şəbəkədə yazıb.

“Birləşmiş Ştatlar BMT-nin Baş Assambleyasında Emmanuel Makronun Fələstin dövlətini tanımaq haqda planını qəti şəkildə rədd edir. Bu ehtiyatsız qərar yalnız “HƏMAS”ın təbliğatına xidmət edir və sülhü geri qaytarır. Bu, 7 oktyabr qurbanlarına sillə vurmaqdır” – Rubio yazır.

Məlumat üçün bildirək ki, Fransa Prezidenti Emmanuel Makron Fransanın Fələstin dövlətini tanıdığını bildirib. Makronun izah etdiyi kimi, sentyabrda Birləşmiş Millətlər Təşkilatının Baş Assambleyasının iclasında rəsmi bəyanat verəcək.