NATO-nun baş katibi Mark Ruttenin bəyanatına əsasən, Ukrayna indi o qədər uğurludur ki, “Putin yalnız Zelenskinin rəsmi prezident fərmanı ilə 9 May paradını təşkil edə bilər”.

Kiyevdə Volodimir Zelenski ilə birgə mətbuat konfransında Mark Rutte Rusiyanın itkilərindən danışıb və rus gəncləri Kremlin təbliğatına etibar etməməyə ictimai şəkildə çağırıb.

“Ukrayna döyüş meydanında uğurlar qazandığı bir vaxtda, Rusiya getdikcə daha çox ümidsiz vəziyyətə düşür. Bu o deməkdir ki, Rusiya bir ay ərzində Sovet İttifaqının 1980-ci illərdə bütün onillik Əfqanıstan müharibəsi boyu itirdiyindən daha çox insan itirir. Bunlar həqiqətən şokedici rəqəmlərdir” – Rutte qeyd edib.

Bundan sonra NATO-nun baş katibi birbaşa rus gənclərə və onların ailələrinə müraciət edib.

“Rus təbliğatı sizi aldadır. Sənin kimi gəncləri müharibəyə kifayət qədər hərbi hazırlıq keçmədən göndərirlər. Sənə veriləcək təchizat aşağı keyfiyyətli olacaq. Ukraynada həlak olmaq və ya yaralanmaq ehtimalın çox yüksəkdir, yaralansan isə, sənin tərk edilmə və yardımsız qalma şansın böyükdür. Ona görə də, on minlərlə rus qurbandan danışarkən, bunlar mücərrəd rəqəmlər deyil, bu, məhz sən ola bilərsən” – Rutte bildirib.