NATO-nun baş katibi Mark Ruttenin bəyanatına əsasən, alyansa üzv ölkələrin yarıdan çoxu Ukrayna üçün ABŞ-dan lazım olan silahların alınması proqramına qoşulub.

Rutte bu barədə Brüsseldə NATO-ya üzv ölkələrin müdafiə nazirlərinin toplantısı çərçivəsində Ukrayna-NATO Şurasının iclasında deyib.

“Müttəfiqlərin maliyyə dəstəyi sayəsində biz Ukraynanı həyatı əhəmiyyətə malik Amerika silahları ilə təmin edirik. Bu silahlar Ukraynaya öz xalqını qorumaq və cəbhə xəttini möhkəmləndirmək üçün lazımdır” – NATO-nun baş katibi bildirib.

O, silah alışı proqramının altı NATO üzvü ilə başladığını bildirib.

“Bu gün biz bütün müttəfiqlərdən yeni ianələr barədə bəyanatları dinlədik. NATO üzvlərinin yarıdan çoxu Ukraynaya həyatı əhəmiyyətə malik dəstək axınını təmin etmək üçün bu təşəbbüsə qoşulub” – Mark Rutte bildirib.