Hesab edirik ki, NATO-Gürcüstan münasibətinin davam etdirilməsi məqsədəuyğundur. Əlaqəni tamamilə kəsməkdənsə, münasibəti davam etdirmək və məsələləri müzakirə etmək üçün bu imkanımızın olması daha yaxşıdır – bu haqda NATO-nun baş katibi Mark Rutte bildirib.

Ruttenin sözlərinə əsasən, Gürcüstan məsələsi üzrə Avropa İttifaqı ilə sıx koordinasiyadadırlar.

NATO-nun baş katibinə sual veriblər “2024-cü ilin seçkilərindən sonra NATO-nun Gürcüstanla münasibətində nə dəyişib? eləcə də NATO Gürcüstanda mediaya, vətəndaş cəmiyyətinə və müxalifətə qarşı qəbul edilmiş qanunları, siyasi liderlərin həbslərini necə qiymətləndirir?”.

“NATO-Gürcüstan münasibəti ilə əlaqədar, hesab edirik ki, bu münasibətin davam etdirilməsi məqsədəuyğundur. Lakin, əlbəttə, son dövrlərdə hadisələrin inkişafını da etiraf etməliyik – məhz bu səbəbdən Gürcüstanı daha Avropayönümlü, gələcəyə yönəlmiş kursa qayıtmağa çağırırıq, o cümlədən demokratiya və qanunun aliliyi baxımından Gürcüstanın olduğu trayektoriyanın davam etməsini təmin etsin. Bu baxımdan hazırda ciddi narahatlıq mövcuddur. Bizim dialoqumuz, müzakirəmiz var, lakin mövqe tutmuşuq ki, bəyənmədiyimizi demək və əlaqəni tamamilə kəsməkdənsə, münasibəti davam etdirmək və məsələləri müzakirə etmək üçün bu imkanımızın olması daha yaxşıdır” – Mark Rutte qeyd edib.