Gürcüstanda demokratiyaya və ya bu ölkədə demokratiyanın tərəqqisinə, ölkənin NATO və Avropa İttifaqına inteqrasiyasına xələl gətirən istənilən hərəkət aradan qaldırılmalıdır – bu haqda NATO-nun baş katibi Mark Rutte bildirib.

Mark Rutte Gürcüstan hökumətini bütün gürcülərin marağına xidmət edən sülh və sabitliyin təşviqi üçün hər şeyi etməyə çağırır.

“Zorakılıq haqda məlumatlar dərin narahatlıq doğurur və mən bunu birmənalı şəkildə pisləyirəm. Mən Gürcüstan hökumətini sülh və sabitliyin təşviqi üçün hər şeyi etməyə çağırıram və fikrimcə, bu, bütün gürcülərin marağına xidmət edir. NATO demokratiyaya, dəyərlərə, azadlığa və demokratiyaya hörmətə əsaslanan alyansdır. Mən qəti şəkildə inanıram ki, bu dəyərlər bizim kollektiv sülh və firavanlığımızın əsasıdır. Hazırda gördüyüm odur ki, bütün müttəfiqlər açıq şəkildə bəyan edirlər ki, Gürcüstanda demokratiyaya və ya bu ölkədə demokratiyanın tərəqqisinə, ölkənin NATO və Avropa İttifaqına inteqrasiyasına xələl gətirən istənilən hərəkət aradan qaldırılmalıdır.
Biz Gürcüstan hökumətini bir neçə il əvvəl dayandığı yolda qalmağa çağırırıq” – Mark Rutte bildirib.