Seçkilər bütün ölkə üzrə sakit şəraitdə keçirilir, seçkilərdə 12 subyekt iştirak edir və onların hamısına kampaniyanı rəqabətli mühitdə aparmaq imkanı verilib, – bunu “Gürcü Arzusu”nun siyasi şurasının üzvü, İqtisadiyyat və Davamlı İnkişaf naziri Mariam Kvrivişvili bildirib.

Onun sözlərinə görə, vacibdir ki, səsvermə prosesi zorakılıqdan, rüşvətdən, hədə və təzyiqdən azad mühitdə həyata keçirilsin.

“Yerel özünüidarəetmə seçkilərini 55 təşkilatdan 8 184 yerli və xarici müşahidəçi, həmçinin 73 media qurumundan 984 nümayəndə izləyir. Hər bir müşahidəçi və media nümayəndəsi seçki prosesini müşahidə etmək və işıqlandırmaq imkanına tam sahibdir. Gürcüstan Mərkəzi Seçki Komissiyasının məlumatına görə, saat 15:00-a olan vəziyyətə seçkilərdə artıq təxminən bir milyon, yəni 990 mindən çox seçici iştirak edib ki, bu da 2014 və 2017-ci illərdəki yerli özünüidarəetmə seçkilərinin fəallıq göstəricilərinə uyğundur. Biz seçicilərə çağırış edirik ki, fəallıq göstərsinlər, seçki məntəqələrinə gəlsinlər və öz seçimlərini etsinlər. Bir daha təkrar edirik ki, hər bir səs Gürcüstanın və onun hər bir bölgəsinin, hər bir şəhər və kəndinin dinc və sabit inkişafı üçün vacibdir, daha çox xeyirxahlığın Gürcüstanın hər bir şəhər və kəndinə daxil olması üçün”, – deyə Kvrivişvili vurğulayıb.