Mariam Kvrivişvili Şanxayda Süni İntellekt üzrə Dünya Konfransında iştirak edir. Konfransı Çin Xalq Respublikasının Prezidenti Si Cinpin açıb

Gürcüstanın iqtisadiyyat və davamlı inkişaf naziri Mariam Kvrivişvili Şanxayda Süni İntellekt üzrə Dünya Konfransında və süni intellektin qlobal idarəçiliyi məsələləri üzrə yüksək səviyyəli görüşdə iştirak edir.

İqtisadiyyat və Davamlı İnkişaf Nazirliyinin məlumatına görə, tədbirin açılışını Çin Xalq Respublikasının Prezidenti Si Cinpin edib və iştirakçılara müraciət edib.

Süni İntellekt üzrə Dünya Konfransının əsas mövzusu “Daha yaxşı gələcək üçün süni intellekt sahəsində tərəfdaşlıq”dır.

Konfrans çərçivəsində süni intellektin qlobal idarəçiliyi üzrə yüksək səviyyəli görüşdə iqtisadiyyat və davamlı inkişaf nazirinin çıxışı nəzərdə tutulur. İştirakçılar iş sessiyası zamanı əsas mövzu ətrafında öz baxış və fikirlərini bölüşəcəklər.

Şanxayda keçirilən Dünya Süni İntellekt Konfransında 100-dən çox dövlətin, beynəlxalq təşkilatların və özəl sektorun yüksək səviyyəli nümayəndələri iştirak edir.