İqtisadiyyat və dayanıqlı inkişaf naziri Mariam Kvrivişvili “Tbilisi İpək Yolu Forumu”nda iştirak etmək üçün Gürcüstana gəlmiş Qazaxıstan Respublikasının nəqliyyat naziri Nurlan Sauranbaiev ilə görüşüb.

Görüşdə nazirlər ikitərəfli iqtisadi əlaqələri müzakirə ediblər. İnkişafı hər iki ölkənin maraqlarına cavab verən Orta Dəhlizdə əlavə yük axınlarının cəlb edilməsinin təşviqinə xüsusi diqqət yetirilib. Sözügedən nəqliyyat dəhlizinin daha da populyarlaşdırılması və rəqabət qabiliyyətinin artırılması istiqamətində birgə səylər vurğulanıb. Tərəflər Gürcüstan, Azərbaycan və Qazaxıstan dəmir yollarının məqsədi Çin və Avropa arasında dəmir yolu daşımalarını aktivləşdirmək olan koordinasiyalı əməkdaşlığını müzakirə ediblər.

Həmçinin, görüşdə nəqliyyatın digər sahələrində əlaqələri müzakirə ediblər. Mülki aviasiya istiqamətində məhsuldar əməkdaşlıq vurğulanıb – 2025-ci ilin yanvar-sentyabr dövründə Gürcüstan və Qazaxıstan arasında sərnişin axını əvvəlki ilin müvafiq dövrü ilə müqayisədə 10,4 faiz artıb. Həmçinin, turizm sahəsində müsbət dinamika vurğulanıb.

Görüşdə nazirlər ikitərəfli dialoq formatının əhəmiyyəti haqda danışıblar – İqtisadi Əməkdaşlıq üzrə Birgə Hökumətlərarası Komissiya Gürcüstan və Qazaxıstanın iqtisadi, ticarət, nəqliyyat və mədəni əlaqələrinin möhkəmləndirilməsi üçün mühüm platformadır.

Gürcüstanın iqtisadiyyat və dayanıqlı inkişaf nazirinin müavini Tamar İoseliani və Gürcüstan Dəmir Yollarının baş direktoru Laşa Abaşidze görüşdə iştirak ediblər.