Mariam Kvrivişvili – Anaklia limanının fəaliyyət modeli ilə bir tərəfdən limanın Gürcüstanın mülkiyyətində olması, digər tərəfdən isə onun fəaliyyətində bir çox beynəlxalq tərəfdaşımızın iştirakını təmin etmək imkanına malik olacağıq

Ölkənin nəqliyyat sektorunun inkişafı kontekstində, əlbəttə ki, Anaklia dərin dəniz limanı layihəsi xüsusi əhəmiyyət kəsb edir – bu barədə iqtisadiyyat və dayanıqlı inkişaf naziri Mariam Kvrivişvili bildirib.

Anaklia dərin dəniz limanı layihəsindən danışarkən iqtisadiyyat naziri qeyd edib ki, bu mərhələdə aktiv tikinti işləri aparılır.

“Hazırda Anaklia dərin dəniz limanının ərazisində artıq dibdərinləşdirmə işlərinə başlanılıb. Biz mühüm qərar qəbul etdik və Anaklia limanının fəaliyyət modeli dəyişdirildi, bu da bizə bir tərəfdən əlbəttə, limanın Gürcüstanın mülkiyyətində olmasına imkan verəcək, digər tərəfdən mövcud model bizə imkan verəcək ki, limanın fəaliyyətində bir çox beynəlxalq tərəfdaşımızın iştirakını təmin edək” – Mariam Kvrivişvili qeyd edib.

Bununla yanaşı, nazir vurğulayıb ki, Anaklia limanı yalnız Gürcüstan iqtisadiyyatının və nəqliyyat sektorunun inkişafına təkan verməklə qalmayacaq, həm də Orta Dəhlizin inkişafı kontekstində son dərəcə mühüm rol oynayacaq.