Mariam Kvrivişvili – 2021–2025-ci illərdə iqtisadiyyatımız orta hesabla 9,3 faiz artıb ki, bu da Gürcüstanı həm Avropa, həm də region ölkələri arasında lider edir

Mariam Kvrivişvili bildirib ki, Beynəlxalq Valyuta Fondunun məlumatına əsasən, orta müddətli – 2026–2030-cu illər dövründə Gürcüstan yenə də lider mövqeyini qoruyacaq və orta hesabla 5,1% iqtisadi artım göstərəcək.

Nazir bu barədə Gürcüstan–Xorvatiya biznes forumunun açılış mərasimində çıxışı zamanı danışıb.

İqtisadiyyat nazirinin qiymətləndirməsinə görə, bu formatda görüşlər ölkələrin iqtisadi artımının təşviqi üçün yaxşı imkan yaradır.

“2025-ci il xüsusilə uğurlu oldu – ölkəmiz üçün xarici ticarət sahəsində rekord göstəricilər qeydə alındı. Belə ki, ixrac 11%-dən çox artdı. Həmçinin turizm sənayesindən rekord həcmdə – 4,7 milyard ABŞ dolları gəlir əldə etdik. Turist axınının sayı da rekord səviyyədə idi.

Apardığımız siyasət, o cümlədən nəqliyyat sektorunda həyata keçirdiyimiz tədbirlər, aviasiya sektorunun güclənməsinə birbaşa təsir göstərdi. Ölkənin hər üç beynəlxalq hava limanında rekord sayda sərnişin qəbul etmək imkanına malik olmağımız bizim üçün qürurvericidir”, – deyə Kvrivişvili vurğulayıb.