Üç günə bizə kim deyəcək, heç olmazsa bunu desinlər, ali beyinlilərmi yoxsa Tenqomu? – bu haqda “Gürcü Arzusu”nun icraçı katibi Mamuka Mdinaradze sosial şəbəkədə yazır.

Mdinaradze üç müxalifət birliyinin nümayəndələri tərəfindən gələcək planlarla bağlı verilmiş bəyanata münasibət bildirib.

Xatırladaq ki, “Dəyişikliklər Naminə Koalisiyasının” üzvü Tenqo Tevzadze iki gün əvvəl demişdi: “Birbaşa deyirəm, seçkilərin saxtalaşdırıldığını sübut etmək üçün vaxt lazımdır, bu seçkilərdən sonra bir və üç günə təsdiqlənə bilməz”. Həmçinin, “Güclü Gürcüstan” koalisiyasının üzvü Qriqol Qeqelia bildirib: “Biz, ali beyinlilər, ali IT mütəxəssisləri ilə birlikdə təhlillər aparırıq və hər bir gürcünün səsinin oğurlandığı genişmiqyaslı xüsusi əməliyyat üzə çıxacaq”. Bu gün isə üç müxalifət birliyi – “Dəyişiklik Naminə Koalisiyası”, “Güclü Gürcüstan” və “Birlik-Milli Hərəkat”ın nümayəndələrinin iştirak etdiyi görüş keçirib. Görüşdə “Qaxaria Gürcüstan Naminə” partiyasının nümayəndələri iştirak etmirdilər. Görüş başa çatdıqdan sonra müxalifət birliyinin nümayəndələrinin dedikləri kimi, bazar ertəsi Rustaveliyə toplaşacaqlar və fəaliyyət planını orada təqdim edəcəklər.