Mamuka Mdinaradze – “Gürcü Arzusu” tərəfindən verilmiş hər bir tapşırığı böyük məmnuniyyətlə icra etməyə başlayacağam, regional siyasətin həyata keçirilməsi prioritetdir

“Gürcü Arzusu” komandası tərəfindən verilmiş hər bir tapşırığı böyük məmnuniyyətlə icra etməyə başlayacağam – bu barədə vitse-baş nazir, regional inkişaf naziri Mamuka Mdinaradze jurnalistin onun yeni vəzifəsi ilə bağlı sualına cavab olaraq deyib.

Onun sözlərinə əsasən, regional siyasət hökumətin mühüm prioritetlərindən biridir.

“Regionlarda sistemli yaxşı idarəetmə, bürokratik elementlərin azaldılmasını tələb edən çox böyük işlər görülür. Regional siyasətin yürüdülməsi prioritetdir. İnsanların qavrayışında da nədənsə regional inkişaf sosial, texniki və bənzər məsələlərlə assosiasiya olunub, lakin bu, regional siyasətin yürüdülməsində yeganə deyil, tərkib hissələrdən biri olmalıdır. Müəyyən dərəcədə bütün qurumlar regional məsələlərdə dövlət naziri və onun aparatı qarşısında hesabatlılıq formatında olmalıdır. Bu nazirliyi quran Kaxa Quledaniyə çox böyük təşəkkür etmək istəyirəm. Onun düzgün menecmenti daha yüksək pilləyə keçmək üçün daha çox ambisiya yaratdı” – Mamuka Mdinaradze qeyd edib.