Əminəm ki, Üçüncü Şio görkəmli patriarx olacaq, ölkəmizdə öz sözünü deyəcək, millətin və xalqın birliyinə xüsusi töhfə verəcək – bu haqda jurnalistlərə Svetitsxoveli məbədində Bütün Gürcüstanın Katolikos-patriarxı Üçüncü Şionun taxta çıxma mərasimində iştirak edən vitse-baş nazir, hüquq-mühafizə orqanlarının koordinasiyası məsələləri üzrə dövlət naziri Mamuka Mdinaradze deyib.

Mamuka Mdinaradze yeni Katolikos-patriarxa uğurlar arzulayıb.

“Bu gün artıq patriarx olan Möhtərəm Şio çox şərəfli insandır. Onu tanıyan və tanımayan hər kəs buna əmindir. Tanrının iradəsi belə idi, möhtərəmlərin iradəsi belə idi və bu gün həqiqətən də tarixi gündür. Onu təbrik edirəm, bu ən böyük məsuliyyəti və Tanrının və Sinod nümayəndələrinin ona həvalə etdiyi vəzifəni yerinə yetirə bilməsi üçün ona çoxlu uğur və cansağlığı arzulayıram. İkinci İliadan sonra bu ağır xaçı daşımaq həqiqətən də çox çətindir, lakin əminəm, onun şəxsi keyfiyyətlərindən irəli gələrək, o, bunu edə biləcək və görkəmli Patriarx olacaq. Düşünürəm ki, o, ölkəmizdə öz sözünü deyəcək, millətin və xalqın birliyinə xüsusi töhfə verəcək” – Mamuka Mdinaradze bildirib.