Maliyyə Nazirliyi – Biz tam məsuliyyətlə bəyan edirik ki, sanksiyalar siyahısına daxil edilmiş istənilən növ mallar ciddi gömrük nəzarətindən keçirilir və bu barədə bütün beynəlxalq tərəfdaşlar məlumatlıdır.

Gürcüstanın Maliyyə Nazirliyi Ukrayna Müdafiə Nazirliyinin Baş Kəşfiyyat İdarəsi və Ukraynanın Baş nazirinin müavini İrina Vereşçukun Gürcüstanın siyasi rəhbərliyinin Rusiya ilə sanksiyaya məruz qalan malların Gürcüstan ərazisindən qaçaqmalçılıq yolu ilə keçirilməsinə razılıq verdiyi barədə bəyanatlarına cavab verib və deyir ki, bu, tamamilə əsassız və absurd ittihamdır.

“Beynəlxalq ictimaiyyət tərəfindən Rusiya Federasiyasına qarşı sanksiyaların tətbiq olunduğu ilk günlərdən Gürcüstan ölkədəki bütün gömrük-keçid məntəqələrinə ciddi nəzarət edir, ölkəyə daxil olan və ölkədən çıxan yüklərə nəzarət edir.

Gürcüstan Maliyyə Nazirliyi tam məsuliyyətlə bəyan edir ki, istənilən növ, həm hərbi, həm də ikili təyinatlı mallar, eləcə də sanksiyalar siyahısına daxil edilmiş bütün məhsullar Gürcüstan hökuməti tərəfindən ciddi gömrük nəzarətindən keçir.

Qeyd edək ki, bu barədə bütün beynəlxalq tərəfdaşlarımız ətraflı məlumatlandırılır.

“Gürcüstan bu sahədə ciddi nəzarəti davam etdirəcək və tərəfdaşları ilə məlumat paylaşacaq”, – Maliyyə Nazirliyinin bəyanatında deyilir.