Maliyyə-Büdcə Komitəsi “Qrantlar haqqında” qanuna dəyişikliyi müzakirə edib. Hökumətin parlament katibi Vaxtanq Baçiaşvilinin izah etdiyi kimi, hökumət tərəfindən təyin edilmiş və ictimai təşkilatları dəstəkləmək tapşırığı veriləcək publik hüquqi şəxsin eyni məqsədlə qrant vermək imkanı olacaq.

Bununla yanaşı, qanuna norma əlavə edilir, bu normaya əsasən, sözügedən publik hüquqi şəxsin rəhbəri ictimai təşkilatların dəstəklənməsi məqsədi ilə normativ, eləcə də fərdi inzibati-hüquqi aktlar vermək səlahiyyətinə malik olacaq ki, yuxarıda qeyd olunan fəaliyyət ləngimə olmadan aparılsın.

“Gürcüstan hökuməti tərəfindən təyin edilmiş və ictimai təşkilatlara dəstək vermək səlahiyyətinə malik publik hüquqi şəxsin eyni məqsədlə qrant vermək imkanı olacaq” – Vaxtanq Baçiaşvili bildirib.

Komitənin sədri Paata Kvijinadzenin bəyanatına əsasən, maliyyələşmənin açıq və şəffaf və ölkənin maraqlarına uyğun şəkildə həyata keçirilməsi vacibdir.

“Nəyin maliyyələşdirildiyini dəqiq müəyyən etmək üçün “Şəffaflıq qanunu” bizim üçün prinsipial əhəmiyyət kəsb edir. Həmçinin, məhz vətənimizin ehtiyac duyduğu layihələrin maliyyələşməsi üçün bu prosesdə iştirak etməyimiz və tender və ya müsabiqələri açıq və şəffaf şəkildə elan etməyimiz vacibdir” – Paata Kvijinadze bildirib.

Parlamentin sürətləndirilmiş qaydada baxdığı qanun layihəsini komitə dəstəkləyib.