Ümid edirik ki, Vatikanla münasibətlər yeni Papa dövründə də bizim üçün çox vacib olan eyni dərəcədə sıx və yaxın olacaq, – bu barədə Gürcüstanın Xarici İşlər naziri Maka Boçorişvili Romanın yeni Papası, XIV Leo-nun inauqurasiya mərasimindən sonra bildirib.

Nazirin sözlərinə görə, onlar Romanın yeni Papası XIV Leo ilə görüşmək və Gürcüstanın prioritetləri barədə danışmaq imkanı əldə edəcəklər.

“Yeni Papanın inauqurasiyası baş tutdu. Tədbirdə müxtəlif ölkələrdən yüksək səviyyəli qonaqlar iştirak edirdi. Gürcüstan Prezidenti də nümayəndə heyəti ilə birlikdə bu tədbirdə iştirak etdi. Bizim yeni Papaya salam vermək imkanımız oldu. Ümid edirik ki, Vatikanla münasibətlər yeni Papa dövründə də bizim üçün çox vacib olan eyni dərəcədə sıx və yaxın olacaq. Həmçinin görüş keçirmək, Gürcüstanla Müqəddəs Taxt arasında illər ərzində formalaşmış münasibətlər barədə danışmaq imkanımız olacaq. Yeni Papa ilə Gürcüstanın malik olduğu prioritetlər barədə müzakirə aparmaq imkanımız olacaq”, – deyə Maka Boçorişvili bildirib.