Ukrayna bu ədalətsiz müharibə nəticəsində ölkəyə və xalqa dəyən ziyana görə kompensasiya almaq üçün müvafiq vasitələrə sahib olmalıdır – bu haqda Gürcüstanın xarici işlər naziri Maka Bocorişvili Avropa Şurasının himayəsi altında Ukrayna üçün Şikayətlərin Beynəlxalq Komissiyasının əsasının qoyulduğu Haaqada deyib.

Maka Bocorişvili bildirib ki, Gürcüstan Zərərin Reyestrinin təsisçi üzvü kimi Beynəlxalq Şikayətlər Komissiyasının yaradılmasını təqdir edir.

“Ukrayna xalqının öz ölkələrini müdafiə etmək üçün mübarizəsi bizi laqeyd qoya bilməz. Bu gün Avropanın mərkəzində gördüyümüz faciəli reallıq regionda sülhün bərpası üçün daha çox səy tələb edir. Beynəlxalq normaların kobud şəkildə pozulması cavabsız qalmamalıdır. Bu gün biz burada toplaşmışıq ki, beynəlxalq ictimaiyyət tərəfindən lazımi hüquqi mexanizmlərin yaradılması üçün daha bir addım atılsın. Gürcüstan Beynəlxalq Şikayətlər Komissiyasının yaradılmasını təqdir edir” – Maka Bocorişvili bildirib.