Salome Zurabişvili Gürcüstana ziyan vurmaq üçün hər şeyi edir, o, dövlət institutlarını və ölkə konstitusiyasını tanımır, bunu artıq beynəlxalq ictimaiyyət də yaxşı görür – Gürcüstan Parlamentinin Avropaya İnteqrasiya Komitəsinin sədri Maka Bocorişvili deyib.

Bocorişvili, seçkilərdən sonra davam edən kampaniyanın ölkənin maraqlarına ziyan vurduğunu bildirir.

“Biz bütün bunlara cavab verilməsi üçün müvafiq addımlar atmalıyıq. Eşitdiyimiz bəyanatların hər hansı bir əsası varsa, müvafiq şəkildə tədqiq edilməli və müvafiq cavab verilməlidir. Əgər ağır ittihamlar əsassızdırsa, o zaman bu insanlar bizə cavab verməlidirlər, Gürcüstanın maraqlarına açıq-aşkar ziyan vuran əsassız ittihamlar nəyə xidmət edir? 9 addımdan biri Gürcüstanın beynəlxalq standartlara uyğun şəkildə keçirməli olduğu seçkilər idi. Seçkilərə ziyan vurmaq məqsədi daşıyan kampaniya birbaşa olaraq Gürcüstanın Avropa İttifaqına inteqrasiya istiqamətində addım atmasına maneə olur. Ona görə də Gürcüstanın Avropalı gələcəyinə birbaşa zidd kampaniya aparan insanlar əsassız bəyanatlarının nəyə xidmət etdiyini izah etməlidirlər. Əgər bunun əsası varsa, əlbətdə, Gürcüstanda müvafiq qurumlara bütün bunları araşdırmaq imkanı verilməlidir. Təəssüf ki, Salome Zurabişvili birbaşa Gürcüstanın milli maraqlarına ziyan vurur, Gürcüstana, dövlətə ziyan vurmaq üçün hər şeyi edir. O, prezidenti vəzifəsini tutduğu dövləti tanımır. O, dövlət qurumlarını tanımır və ölkə konstitusiyasını tanımır. Bizim cəmiyyət bunu yaxşı görür və indi beynəlxalq ictimaiyyət də yaxşı görür. Amerika Birləşmiş Ştatlarından dövlətin və dövlət qurumlarının müdafiəsinin birinci qarantı olması gərəkən insana yönəlik istintaqla əməkdaşlıq etməsinə və səsləndirdiyi ittihamları sübut etməsinə və ya nəyin yalan, nəyin doğru olduğunu bilməyimiz üçün bizə imkan verməsinə dair tələb və xahiş səslənməsi bunun sübutudur” – Maka Bocorişvili bildirib.