Avropaya inteqrasiya Gürcüstanın strateji məqsədi olaraq qalır və Gürcüstan üçün çox önəmli məsələdir. Son illərdə gördüyümüz isə odur ki, müxtəlif oyunçular tərəfindən Avropaya inteqrasiya çox tez-tez sabitliyi pozma vasitəsi kimi istifadə olunur və biz bunu görməkdən məmnun deyilik – bu haqda Gürcüstanın xarici işlər naziri Maka Bocorişvili Macarıstanda Macarıstanın xarici işlər və ticarət naziri Piter Siiarto ilə birgə keçirilən mətbuat konfransında suala cavab olaraq deyib.

Bocorişvili bildirib ki, Avropaya inteqrasiya Gürcüstanın avropalı gələcəyi üçün çox önəmlidir və Avropa İttifaqı, Brüssel də daxil olmaqla bütün oyunçulardan müvafiq yanaşma gözləyir.

“Gürcüstan etibarlı tərəfdaş olduğunu uzun illər ərzində sübut edib. Biz hər zaman tərəfdaşlarımızın bizi görmək istədikləri yerdəyik, o cümlədən təhlükəsizlik uğrunda mübarizə, sülh, iqtisadi inkişaf və daha yaxşı gələcək məsələlərində. İnanıram ki, Gürcüstan Avropanın daha yaxşı gələcəyinin təmin edilməsində öz töhfəsini verə bilər. Bunun üçün masa arxasına əyləşmək və ciddi məsələlərdən danışmaq, bu məsələdən sabitliyi pozmaq və ölkənin daxili işlərinə qarışmaq üçün istifadə etməkdən əl çəkmək lazımdır, təəssüf ki, Gürcüstanda bunu tez-tez görürük” – Maka Bocorişvili qeyd edib.