Gürcüstanın xarici işlər naziri Maka Bocorişvili Rusiyanın xarici işlər naziri Serqei Lavrovun Maltada ATƏT-in nazirlər toplantısında çıxışı zamanı zalda olmayıb.

Bocorişvili deyib ki, Gürcüstanın Rusiyanın illərdir ona münasibətdə həyata keçirdiyi siyasəti bəyənməməyə və onu müxtəlif formada ifadə etməyə tam haqqı var.

“Gürcüstanın öz mövqeyini ifadə etmək üçün mütləq hüququ var. Məsələ Rusiya ilə münasibətlərə aid olanda, biz öz mövqelərimizi ifadə etməyi gizlətmirik. Ərazilərimizin 20 faizi işğal edilib, ərazi bütövlüyünü sülh yolu ilə bərpa etmək ölkəmiz üçün yenə də əsas vəzifə olaraq qalır və bizim Rusiyanın illərdir Gürcüstana münasibətdə apardığı siyasəti bəyənməməyə və bunu müxtəlif formada ifadə etməyə tam haqqımız var” – Maka Bocorişvili bildirib.

Lavrovun çıxışı zamanı Çexiya, Rumıniya, Polşa, Latviya, Litva və Estoniyanın nümayəndə heyətlərinin nümayəndələri də zalı tərk ediblər.