Maka Boçorişvili – Kosmos sahəsində əməkdaşlıq ən mühüm məsələlərdən biridir, Gürcüstanın bu məsələ ilə bağlı dialoq çərçivəsində ən yüksək səviyyədə dəvət olunması vacibdir

“Bu gün kosmos sahəsində əməkdaşlıq həm Avropa, həm də qlobal təhlükəsizlik üçün ən mühüm məsələlərdən biridir”, – bu barədə Gürcüstanın xarici işlər naziri Maka Boçorişvili Parisdə gürcü jurnalistlərlə söhbəti zamanı bildirib.
Nazirin sözlərinə görə, Prezident Makronun təşəbbüsü tərəfdaşlarla dialoqu nəzərdə tutur və Gürcüstanın bu məsələ ilə bağlı dialoq çərçivəsində Prezident Makronun təşəbbüsü ilə keçirilən sammitdə iştirak etmək üçün ən yüksək səviyyədə dəvət olunması vacibdir.

“Baş nazir İrakli Kobaxidze planlaşdırılan tədbirdə iştirak edəcək. Gürcüstanın mühüm müzakirələrin bir hissəsi olması ilə yanaşı, bu, ikitərəfli baxımdan da diqqətəlayiqdir. Burada müxtəlif ölkələrin liderləri olmaqla, bir çox nümayəndə heyəti təmsil olunur və bu, Gürcüstan üçün yaxşı imkandır”, – deyə Boçorişvili bildirib.

İrakli Kobaxidze Fransa Prezidentinin dəvəti ilə Parisdə kosmos məsələlərinə həsr olunmuş ilk beynəlxalq sammitdə iştirak edəcək.