Gürcüstan Avropa İttifaqının bir hissəsi olmaq kimi çox aydın bir ambisiyası olan və Avropa İttifaqının üzvü olmaq və bu istiqamətdə hərəkət etmək istəyimizlə bağlı aydın bəyanatı olan Qara dəniz sahilində yerləşən bir ölkədir – bu haqda Gürcüstanın xarici işlər naziri Maka Bocorişvili “Delphi Economic Forum”da keçirilən panel müzakirəsi zamanı bildirib.

Bocorişvili bildirib ki, Gürcüstan Avropa standartlarına ən yaxın ölkədir.

“On il ərzində Avropa standartlarının tətbiqi baxımından bir çox şeyi həyata keçirə biləcəyimizi sübut etdik. Əgər regiona nəzər salsaq, Avropa İttifaqı ilə assosiasiya sazişimizin icrası, eləcə də etibarlı tərəfdaşlıqdan söz gedəndə Gürcüstan Avropa standartlarına ən yaxın ölkədir” – Maka Bocorişvili bildirib.

Bocorişvilinin qeyd etdiyi kimi, “Gürcüstan etibarlı tərəfdaş ola biləcəyini bir çox cəhətdən sübut edib”.

“NATO və Avropa İttifaqına gəlincə, Avropa İttifaqı və ya NATO missiyalarının iştirakçısı kimi, bu missiyaların heç biri təkcə Gürcüstanın milli maraqlarına daxil deyildi. Gürcüstanın milli marağı yalnız NATO və Avropa İttifaqı qarşısında öhdəliklərimizi nümayiş etdirməkdən ibarət idi. Biz Avropa İttifaqının bir hissəsi olmaq istədiyimizə dair aydın bəyanatla əməkdaşlığa hazırıq. Əlbətdə, vacib olan qarşı tərəfdən nə ilə qarşılaşacağımızı görməkdir, çünki dialoq olmadan, regiondan danışmadan, bir-birimizə sual vermədən – nəyə sahib olmaq istəyirik, Qara dənizdə nə görmək istəyirik, regional əməkdaşlığı necə inkişaf etdirmək istəyirik, belə əməkdaşlıq mümkün olmayacaq. Beləliklə, strategiyaya sahib olmağımız və sonra bu strategiyanı həyata keçirməyimiz, onu həyata keçirmək üçün öhdəlik götürməyimiz tamamilə vacibdir. İqtisadi əməkdaşlığı inkişaf etdirmək və Qara dənizdə belə əməkdaşlığın inkişafı üçün bütün imkanlardan istifadə etmək, maksimum səy göstərmək ən yaxşı strategiya olacaq. Əlbətdə, bundan sonra Qara dənizin təhlükəsizliyi gəlir və orada müharibə gedərkən və beynəlxalq prinsiplərin açıq şəkildə pozulduğunu görərkən nəsə demək çox çətindir. Həmçinin, razılaşıram ki, prinsipləri – beynəlxalq prinsipləri, beynəlxalq hüququ və onların əməkdaşlıq üçün əsas kimi istifadəsini yadda saxlamağımız tamamilə vacibdir” – Maka Bocorişvili bildirib.