Bizi yaxşı əməkdaşlıq birləşdirir, lakin hər zaman ikitərəfli münasibətləri gücləndirmək və yaxşılaşdırmaq üçün imkan var. Gürcüstanın ərazi bütövlüyü və suverenliyinə verdiyiniz dəstəyi yüksək qiymətləndiririk – bu haqda Gürcüstanın xarici işlər naziri Maka Bocorişvili Avstriyanın xarici işlər naziri Beate Mainl-Raizinqer ilə birlikdə keçirilən mətbuat konfransında bildirib.

Maka Bocorişvili Gürcüstanın ərazi bütövlüyünü və suverenliyini dəstəkləyən tərəfdaşlara minnətdarlığını ifadə etdiyini bildirib.

„Bizim Avstriya ilə Gürcüstan arasındakı ikitərəfli münasibətlər haqqında danışmaq üçün yaxşı fürsətimiz oldu, bu, bizim üçün çox dəyərlidir. Bizi yaxşı əməkdaşlıq birləşdirir, lakin hər zaman ikitərəfli münasibətləri gücləndirmək və yaxşılaşdırmaq üçün imkan var. Bizim çox yaxşı iqtisadi əlaqələrimiz var və bu əməkdaşlığı işgüzar cəmiyyətlər arasında, iki ölkənin iqtisadi oyunçuları arasında genişləndirmək üçün daha fəal işləməyə hazırıq. Bu, bizim ikitərəfli münasibətlərimizi gücləndirmək üçün olduqca vacibdir. Gürcüstanın ərazi bütövlüyü və suverenliyinə verdiyiniz dəstəyi yüksək qiymətləndiririk. Gürcüstanın qarşısında duran əsas çağırış, Rusiya tərəfindən bizim iki bölgəmizin – Abxaziya və Cənubi Osetiyanın işğalıdır. Gürcüstanın ərazi bütövlüyü və suverenliyini dəstəkləyən tərəfdaşlarımıza dərin minnətdarlığımızı bildiririk. Həqiqətən də, ölkənin suveren seçim etməsi və sonrasında bu seçimin dəstəklənməsi çox vacibdir – biz sizin dəstəyinizi xüsusilə yüksək qiymətləndiririk“ – Maka Bocorişvili bildirib.