Estoniyalı siyasətçilərin Gürcüstana və Gürcüstan hökumətinə hücumları yeni bir şey deyil. – Gürcüstanın xarici işlər naziri Maka Boçorişvili Dubayda jurnalistlərə deyib.

Boçorişvilinin sözlərinə görə, onların ifadə etdiyi mövqelər iki ölkə arasında beynəlxalq normalara uyğun olan dostluq münasibətləri üçün tamamilə uyğun deyil.

“Çox tez-tez biz birbaşa ölkənin daxili işlərinə müdaxilə kimi qəbul edilə bilən bəyanatları eşidirik. Biz Gürcüstanın imicini ləkələmək və Gürcüstanı beynəlxalq səhnədə nüfuzdan salmaq məqsədi daşıyan bəyanatlar eşidirik və çox təəssüf ki, bunu bizim Baltik dostlarımız edir”. – dedi Maka Boçorişvili.

Estoniyanın xarici işlər naziri Marqus Tsahkna Estoniya parlamentindəki çıxışında deyib: “Gürcüstan hazırkı kursu ilə Avropa İttifaqına daxil ola bilməyəcək. Əgər hökumət zorakılığını davam etdirsə, biz sanksiyaları sərtləşdirməyə, o cümlədən vizasız gediş-gəlişi ləğv etməyə hazırıq”.