Maka Bocorişvili dekabrın 3-5-də ATƏT-in Nazirlər Şurasının 32-ci görüşündə iştirak edəcək

13:12, 03.12.2025

Gürcüstanın xarici işlər naziri Maka Bocorişvili 2025-ci ilin dekabrın 3-5-də Vyanada ATƏT-in Nazirlər Şurasının 32-ci görüşündə iştirak edəcək.

Gürcüstanın Xarici İşlər Nazirliyinin məlumatına əsasən, Maka Bocorişvili Nazirlər Şurasının sessiyasının iştirakçıları qarşısında çıxış edəcək.

Vyanada cari nazirlər toplantısı çərçivəsində xarici işlər naziri həmkar nazirlər, ATƏT-in baş katibi, ATƏT-in media azadlığı məsələləri üzrə nümayəndəsi və ATƏT-in Parlament Assambleyasının prezidenti ilə ikitərəfli görüşlər keçirəcək.

Müəllif - Sevinj Mustafaeva

Siyasət