Maka Bocorişvili - BMT-nin Baş Assambleyası Gürcüstan tərəfindən təqdim edilmiş qətnaməni misilsiz dəstəklə qəbul edib, 107 ölkə qətnaməni dəstəkləyib

10:46, 04.06.2025

BMT-nin Baş Assambleyası “Abxaziya, Gürcüstan və Sxinvali bölgəsindən/Cənubi Osetiya, Gürcüstan, məcburi köçkünlərin və qaçqınların statusu haqqında” qətnamə qəbul edib. Bu barədə Gürcüstanın xarici işlər naziri Maka Bocorişvili sosial şəbəkədə yazır.

“Dəstək verənlərin misilsiz sayı! Gürcüstanın qətnaməsini 2025-ci ilin sessiyasında 107 ölkə dəstəklədi!

Təşəbbüsümüzün həmmüəllifi olan və qətnaməni dəstəkləyən bütün dövlətlərə təşəkkürümü bildirirəm.

Gürcüstanın BMT-dəki səfiri Davit Bakradzeyə, müavinim Laşa Darsaliaya və bu böyük dəstəyi qazanmaq üçün yorulmadan çalışan bütün diplomatlara xüsusi təşəkkürümü bildirirəm!” – Maka Bocorişvili deyir.

Müəllif - Sevinj Mustafaeva

Siyasət