Mən qəti şəkildə inanıram ki, Gürcüstan böyük Avropa ailəsinə aiddir, həmçinin Avropanın təhlükəsizlik sisteminin bir hissəsidir. Ümid edirik ki, yaxın gələcəkdə üzvlük prosesi ilə bağlı açıq dialoqa qoşulmaq imkanı əldə edəcəyik – bu haqda Gürcüstanın xarici işlər naziri Maka Bocorişvili Avstriyanın xarici işlər naziri Beate Mainl-Raizinqer ilə birlikdə keçirilən mətbuat konfransında bildirib.

Bocorişvili dialoq olmadan əməkdaşlığı davam etdirməyin çox çətin olduğunu deyib.

„Avropa İttifaqının bir hissəsi olmaq da Gürcüstanın suveren seçimidir. Məhz bu seçim Gürcüstan hökumətinin 2022-ci ildə Avropa İttifaqına üzvlük müraciətini təqdim etməsinin əsasını qoydu. Ümid edirik ki, yaxın gələcəkdə üzvlük prosesi ilə bağlı açıq dialoqa qoşulmaq imkanı əldə edəcəyik, bu isə həm Avropa İttifaqının genişlənməsi, həm də Gürcüstanın Avropa İttifaqına üzvlüyü üçün vacibdir. Dialoq olmadan əməkdaşlığın davam etdirilməsi çox çətindir. Mən qəti şəkildə inanıram ki, Gürcüstan böyük Avropa ailəsinə aiddir, həmçinin Avropanın təhlükəsizlik sisteminin bir hissəsidir” – Bocorişvili qeyd edib.

Bununla yanaşı, Maka Bocorişvili müxtəlif məsələlərlə bağlı fikirlərini bölüşdüyünə görə Avstriyanın xarici işlər nazirinə təşəkkür edib.

“Regionumuzda, eləcə də Avropa məkanında davamlı sülhü təmin edən həllər və yollar tapmağımız zəruridir, bu isə gələcək inkişafın zəruri şərtidir. Biz bir çox beynəlxalq təşkilatların baş qərargahlarının yerləşdiyi Vyanadayıq. Bir daha xüsusilə vurğulayıram: hamımızın beynəlxalq hüququn prinsip və normalarına hörmətlə yanaşması və ətrafımızdakı problem və ya münaqişələrin həlli yollarını axtararkən buna uyğun hərəkət etməyimiz olduqca vacibdir” – Maka Bocorişvili qeyd edib.