Maka Bocorişvili ATƏT-in baş katibi Feridun Sinirlioğlu ilə görüşüb
BMT Baş Assambleyasının 81-ci sessiyasının yüksək səviyyəli həftəsi çərçivəsində Gürcüstanın vitse baş naziri, xarici işlər naziri Maka Bocorişvili ATƏT-in baş katibi Feridun Sinirlioğlu ilə görüşüb.
Görüşdə tərəflər ATƏT-in gündəliyində duran aktual məsələləri müzakirə ediblər. Təşkilat çərçivəsində əməkdaşlığa diqqət yetirilib.
Həmçinin regiondakı vəziyyət və təhlükəsizlik çağırışlarına toxunulub. Münaqişənin sülh yolu ilə tənzimlənməsi prosesində ATƏT-in iştirakının və bu istiqamətdə təşkilatın mühüm rolunun vacibliyi vurğulanıb.
Məlumatı Gürcüstanın Xarici İşlər Nazirliyinin mətbuat xidməti yayır.