“Londondakı hücum səbəbindən Böyük Britaniyada milli təhlükəsizlik səviyyəsi ‘əhəmiyyətlidən’ ‘ciddi’ səviyyəyə yüksəldilib.”

BBC-nin məlumatına görə, ölkədəki vəziyyət nəzərə alınaraq, Terrorizmin Birgə Analiz Mərkəzi milli təhlükəsizlik səviyyəsini yüksəldib. Hökumət bildirir ki, təhlükənin yüksəldilməsi növbəti altı ay ərzində hücum ehtimalının yüksək olduğunu göstərir.

Böyük Britaniyanın Baş naziri Kir Starmer təhlükəsizlik vəziyyətinə reaksiya verərək bildirib ki, hökumət polisin fəaliyyətini gücləndirəcək, yəhudi təhlükəsizlik xidmətlərinə investisiyaları artıracaq və antisemitik ekstremizmi dəstəkləyən xeyriyyə təşkilatlarını bağlamaq üçün daha sərt qaydalar tətbiq edəcək. O əlavə edib ki, hökumət “nifrət təbliğçilərinin” ölkəyə daxil olmasına mane olacaq və universitet kampusları, küçələr və icmalara girişlərini qadağan edəcək.

Qeyd edək ki, 29 aprel tarixində Londonda, Golders Green bölgəsində bıçaqla hücum baş verib və iki yəhudi kişi zərər çəkib. BBC-nin məlumatına görə, şübhəli 45 yaşlı Esa Suleymanidir, o, 1990-cı illərin əvvəllərində Somaliadan Böyük Britaniyaya köçüb. Britaniyanın kontrterror polis idarəsi hadisəni terror aktı kimi qiymətləndirib.