London Ukrayna Silahlı Qüvvələrinə bir milyard funt sterlinq həcmində yardımı Rusiyanın dondurulmuş aktivləri hesabına verib.

Bu barədə Böyük Britaniyanın müdafiə naziri Con Hil Kiyevə səfəri zamanı deyib.

O, bu pulun silahların alınması və digər növ hərbi yardımın maliyyələşdirilməsi üçün istifadə edildiyini bildirib.

Böyük Britaniya hökumətinin veb saytında qeyd edildiyi kimi, Rusiyanın dondurulmuş aktivlərindən əldə edilmiş vəsaitlə Ukraynaya yüz minlərlə artilleriya mərmisi, yüzlərlə zenit raketi və silahlar üçün zəruri ehtiyat hissələri almaq mümkün olub. Həmçinin, müxtəlif hərbi texnika və nəqliyyat vasitələrinin təmiri maliyyələşdiriləcək.

Bəyanatda həmçinin qeyd olunub ki, son 50 gündə Ukrayna Böyük Britaniyadan artıq 4,7 milyon ədəd odlu silah, 60 min ədəd artilleriya mərmisi, raket və raket kompleksi, 2,5 min dron, 200 radioelektron döyüş sistemi, 100 ədəd yüngül silah, 30 ədəd nəqliyyat vasitəsi və pilotsuz uçuş aparatlarının öhdəsindən gəlmək və hava hücumundan müdafiə sistemləri üçün lazım olan əlavə avadanlıq alıb.