Litvanın müdafiə naziri bildirib ki, Litva NATO-nun ölkədə nüvə silahı yerləşdirməsini müzakirə etməyə hazırdır

Litva NATO-nun nüvə silahlarını ölkədə yerləşdirməyə hazırdır. Bu barədə Deutsche Welle yazır.

Litva NATO müttəfiqləri onun ərazisində nüvə silahı yerləşdirməyi təklif edərsə, konstitusiyaya dəyişiklik etməyi nəzərdən keçirməyə hazırdır, ölkənin müdafiə naziri bildirib.

“Biz hesab edirik ki, müttəfiqlərimiz bizə Litvada nüvə silahının və ya onun komponentlərinin yerləşdirilməsi ilə bağlı bəzi real planlar təklif etsələr, habelə digər öhdəliklərə yenidən baxılacaqsa, respublika Konstitusiyasının 137-ci maddəsinə dəyişiklik edilməsi imkanlarını qiymətləndirmək lazımdır”. – deyə ölkənin müdafiə naziri Duvil Şakalene bildirib.

Litva Konstitusiyasının 137-ci maddəsi bu dövlətin ərazisində kütləvi qırğın silahlarının və xarici hərbi bazaların yerləşdirilməsini qadağan edir. Lakin hələlik heç kim Vilnüsdə nüvə silahının yerləşdirilməsini təklif etməyib.

Məlumat üçün bildirək ki, Polşa prezidenti Anjey Duda bundan əvvəl Financial Times qəzetinə müsahibəsində Vaşinqtonu Şərqi Avropada nüvə silahı yerləşdirməyə çağırıb. “NATO-nun sərhədləri 1999-cu ildə şərqə doğru hərəkət etdi, ona görə də 26 ildən sonra NATO-nun infrastrukturu da şərqə doğru hərəkət etməlidir”. “Düşünürəm ki, nəinki vaxtıdır, həm də bu silahlar burada yerləşdirilsəydi, daha təhlükəsiz olardı”. – Duda dedi.

Duda onu da qeyd edib ki, o, artıq ABŞ prezidenti Donald Trampın Rusiya və Ukrayna üzrə xüsusi nümayəndəsi Keyt Kelloqla məsələni müzakirə edib.