Gürcüstan Hökumət Administrasiyasının rəhbəri Levan Zhorzholiani Gürcüstanda Polşa missiyasının rəhbəri Artur Gebal ilə görüşüb.

Hökumət Administrasiyasının məlumatına görə, görüşdə Gürcüstan və Polşa arasında münasibətlər müzakirə olunub.

Məlumata əsasən, Levan Zhorzholiani bildirib ki, gürcü tərəfi ikitərəfli münasibətlərin hazırkı səviyyəsindən razı deyil və əməkdaşlığın yenilənməsi, “restart” edilməsi üçün hazır olduğunu təsdiqləyir.

“Söhbət Gürcüstanın Avropa İttifaqına inteqrasiya prosesinə də toxunub. Levan Zhorzholianinin sözlərinə görə, Gürcüstan hökuməti Aİ ilə Assosiasiya Sazişi çərçivəsində nəzərdə tutulan islahatların həyata keçirilməsini davam etdirir və 2028-ci ilə qədər Aİ-yə inteqrasiya üçün ən hazırlıqlı ölkə olacaq”, – deyə məlumatda bildirilir.

Görüşdə Hökumət Administrasiyası rəhbərinin müavini Zviad Barkaya və Polşa missiyası rəhbərinin müavini Robert Bak da iştirak edib.