Birinci Universitet Klinikası direktoru Levan Ratiyaninin sözlərinə görə, Acarıstan hökumətinin keçmiş sədri Tornike Rijvadzenin sağlamlıq vəziyyəti bu mərhələdə stabilliyi qoruyaraq ağır olaraq qalır.

“Pasiyentin ümumi vəziyyəti hazırda stabilliyi qoruyaraq ağırdır, mənfi dinamika müşahidə olunmur. O, protokolla nəzərdə tutulmuş bütün müayinələrdən keçir, hər sahənin həkimləri və mütəxəssisləri tərəfindən mütəmadi məsləhətləşmələr aparılır. Onun vəziyyəti aldığı xəsarətlərin ağırlığına tam uyğun gəlir,” – deyə Ratiyani bildirib.

Tornike Rijvadze 7 iyul tarixində Sagareco şəhərindəki “GeoHospitals” klinikasına odlu silah yarası ilə yerləşdirilib. Daha sonra o, Birinci Universitet Klinikasıına köçürülüb. Tornike Rijvadzenin işi üzrə istintaq Gürcüstan Cinayət Məcəlləsinin 115-ci maddəsi ilə – özünüöldürmə həddinə çatdırma faktı üzrə aparılır.

Eyni zamanda, Tornike Rijvadzenin işi ilə bağlı Gürcüstanın Dəniz Nəqliyyatı Agentliyinin rəhbəri Aleksey Axvlediani saxlanılıb. O, odlu silahın səhlənkarlıqla saxlanması ilə əlaqədar Gürcüstan Cinayət Məcəlləsinin 238-ci maddəsi ilə ittiham olunur.