Biznesmen və siyasətçi Levan Qaçeçiladze 61 yaşında dünyasını dəyişib. Məlumatı Qaçeçiladzenin ailəsinin yaxınları təsdiqləyirlər.

Levan Qaçeçiladze Gürcüstanın beşinci və altıncı çağırış parlamentlərinin üzvü idi. O, yeddinci çağırış parlamentinə də seçilmişdi. O, 2008-ci ilin seçkilərində Gürcüstan prezidenti postuna müxalifətin namizədi idi.

Qaçeçiladze siyasi karyerasına 1999-cu ildə Gürcüstan Parlamentinin üzvü olanda başladı. 1999-2002-ci illərdə Gürcüstanın beşinci çağırış parlamentinin partiya siyahısı, seçki bloku “Gürcüstan Vətəndaşlar İttifaqı” ilə üzvü idi. O, tezliklə çoxluqdan ayrıldı və Davit Qamğrelidze ilə birlikdə “Yeni Sağçılar” partiyasını yaratdı. 2002-ci ilin yerli seçkilərindən sonra, o, “Sağçıların” siyahısı ilə Tbilisi Şəhər Məclisinin (sakrebulo) üzvü oldu. 2003-cü ildə “Qızılgül inqilabı” ilə bağlı onun partiya üzvlərindən fərqli baxışları var idi, bu səbəbdən partiya sədri postundan istefa verdi. 2004–2008-ci illərdə “Yeni Sağçılar” seçki bloku ilə Gürcüstanın altıncı çağırış parlamentinin üzvü olmuşdu (Tbilisi, Vakenin majoritarı). 2008-ci ilin prezident seçkilərində Levan Qaçeçiladze Gürcüstan prezidenti postuna birləşmiş müxalifətin namizədi idi. Səslərin 25.7%-ni qazandı. 2008-ci ilin iyunun 7-dən 2008-ci ilin iyunun 20-nə qədər olan dövrdə partiya siyahısı, “Birləşmiş Müxalifət ( Milli Şura, Sağçılar)” seçki bloku ilə Gürcüstanın yeddinci çağırış parlamentinin üzvü idi.