Salome Zurabişvili Baltikyanı ölkələri Gürcüstana hücumu davam etdirməyə və daha aqressiv siyasət həyata keçirməyə çağırır – bu haqda Gürcüstan Parlamentinin Avropaya İnteqrasiya Komitəsinin sədri Levan Maxaşvili bildirib.

O, Salome Zurabişvilinin ölkəni yalanda ittiham etdiyini deyir.

“Adi vətəndaşların konkret ölkələrə səfərləri maraqlı deyil, lakin biz Salome Zurabişvilinin verdiyi bəyanatları qiymətləndirmədən buraxa bilmərik. O, yenə ölkəni yalanda ittiham edir. Ən narahatedici odur ki, bu ölkələri Gürcüstana hücumu davam etdirməyə və daha aqressiv siyasət həyata keçirməyə çağırır. Mən Gürcüstana qarşı daha aqressiv siyasətin nə mənaya gəldiyinə izahat gətirmək istərdim – bunlar boş sözlər deyil. Praktikada bu, Gürcüstanın geosiyasi oyunlarda daha bir qaynar nöqtəyə çevrilməsi deməkdir. Bu insanın Baltikyanı ölkələrdən tələb etdiyi budur. Əgər məqsədi budursa, artıq aydındır ki, nəinki gizli, hətta açıq şəkildə bütün bunları bu ölkələrdən tələb edir” – Levan Maxaşvili bildirib.