Levan Maxaşvili – Bizdə belə təəssürat var ki, Brüsseldə bizim arqumentlərimizi dinləməmək üçün cəhd göstərildi, əsas məqsəd isə elə bir addımın qarşısının alınması idi ki, onun ardından münasibətlərin yenidən yüklənməsinə başlayacaqdıq
Parlamentin Avrointeqrasiya Komitəsinin sədri Levan Maxaşvilinin sözlərinə görə, Gürcüstan-Avropa İttifaqı dialoqunun təxirə salınması ilə bağlı səsləndirilən səbəblər qeyri-ciddidir və daha çox görüşün təxirə salınması üçün bəhanəyə bənzəyir.
Maxaşvilinin dediyinə görə, Gürcüstan bu görüşə təxminən altı ay ərzində hazırlaşırdı.
“Bizdə belə bir hiss yarandı ki, gündəlik üzrə razılaşdırılmış bu görüşdən qaçmağa cəhd edildi və Brüsseldə bizim arqumentlərimizi dinləmək istəmədilər. Əsas məqsəd müsbət presedent yaradılmaması və elə bir addımın atılmaması idi ki, onun ardınca biz münasibətlərin yenidən yüklənməsinə başlayacaqdıq. Görünür, Brüsseldə bəzilərinə bu sərf etmədi və dialoq rejiminə qayıtmaq əvəzinə eskalasiyaya getməyi qərara aldılar. Başqa izahımız yoxdur. Rəsmi və ya qeyri-rəsmi şəkildə təqdim olunan səbəblər bizim üçün ciddi deyil, çünki bu, real səbəbdən daha çox bəhanəyə oxşayır”, – deyə Levan Maxaşvili Gürcüstanın Birinci Kanalına bildirib.
Gürcüstan-Avropa İttifaqı dialoqunun təxirə salınması ilə bağlı dünən, 19 noyabrda Gürcüstan Xarici İşlər Nazirliyi şərh yaydı. Nazirliyin izahına görə, 2025-ci il 21 noyabrda Brüsseldə keçirilməsi planlaşdırılan görüş Avropa İttifaqı tərəfinin qərarı ilə görüşə bir neçə gün qalmış təxirə salınıb. Gürcüstan Xarici İşlər Nazirliyinin qiymətləndirməsinə görə, insan hüquqlarının müdafiəsi məsələləri üzrə dialoqun təxirə salınması Brüsselin Gürcüstan tərəfinin mövqelərini dinləməyə hazır olmadığını göstərir.
